نور حسين الشريف تكشف حالة صحة والدها بعد عملية جراحية هامة
شاركت نور ابنة الفنان حسين الشريف مع متابعيها، بمنشور لأحدث ظهور لها، عبر صفحاتها الشخصية والرسمية على مواقع التواصل الاجتماعي.
وكشفت نور حسين الشريف عن صورة لوالدها بعد خضوعه لجراحة في القلب، ووجهت الشكر للطاقم الطبي بعد خروج والدها من العمليات.
وكتبت نور حسين الشريف: "حابه أشكر كل من دعا لبابا من قلبه، وأشكر كل أصحابي واخواتي اللي واقفين وقفة رجاله بجد، وأشكر كل اهلي اللي واقفين معايا وعيلتي كل فرد فيها كان متابع".
وتابعت نور حسين الشريف: "بشكر أصدقاء بابا كمان اللي كانوا معانا وبنات عمتي يوم العملية.. مش هذكر أسماء حد تماما لأن كل فرد من أهلي وعيلتي وأصحابي عارف هو عامل إيه.. بس هخص أمي اللي بجد مثال للزوجه الأصيلة الله يحفظها رغم تعبها والله واقفه مع بابا كأنها راجل بجد رغم كل التعب والحمل اللي عليها وتعب رجلها الشديد، خصوصا إن هي كمان الفتره دي كانت تعبانة جدا ومتابعة مع دكاترة.. بحبك يا أمي وبجد إنتي قدوتي بالتحمل".
وأضافت نور حسين الشريف: "بشكر محافظة مطروح وبشكر المستشفى العام بجد بكل طاقم المستشفى من أول مدير المستشفى لحد دكتور أحمد شفيع، رئيس قسم الجراحة، دكتور بابا العظيم من أول يوم دخل فيه بابا المستشفى بنفس الشهر من ٨ سنين.. دكتور التخدير العظيم اللي قدر بجد يحتوي الحالة بكل تفاصيلها وكان صريح جدا معانا.. بشكر كل طاقم التمريض خصوصا إسراء شوقي ومحمد، حقيقي انتوا ملائكه مش بني آدمين بجد حفظكم الله ويسلم اللي ربوكم".
واختتمت نور حسين الشريف: "متنسوش دعواتكم لبابا بإتمام الشفاء العاجل إن شاء الله.. حبيت أشكر كل اللي حواليا بجد الفترة دي ربنا ما يوجع قلوبكم أبدا".
وكان حسين الشريف، قدم حوالي 256 عملًا في السينما والتليفزيون منذ ظهوره لأول مرة عام 1977 على شاشة السينما، ومن أهم أفلامه العفاريت مع مديحة كامل، أقوى الرجال مع نور الشريف، ولعبة الانتقام مع بوسي، وفي التليفزيون قدم رأفت الهجان الجزء الأول، عفريت القرش، وكالة عطية وغيرها من الأعمال.
وقبل عدة سنوات، تداول رواد مواقع التواصل الاجتماعي، صورة لـ حسين الشريف بعد مرور سنوات عليه، وظهور معالم الشيخوخة عليه، بشكل واضح.
ويعتبر حسين الشريف من أشهر الفنانين الذين قدموا شخصية الضابط على الإطلاق في تاريخ الفن المصري، سواء في السينما أو التليفزيون، وله طله جميلة ومقنعة أحبه من خلالها الجمهور.